PARCHHAII

Phool see sunder zindagi mein

chali ja rahi thi main….

Uski sunder mehak se

khili ja rahi thi main……

Zindagi khushiyon se yun bhari thi,

mano aasmano ko chhu rahi thi…..

Par yeh achaanak kya hua??

Phool murjha gayey,mehak chali gayee,

Khili hue zindagi andheri raat ho gayee….

Kaale andhere se ghir rahi thi main,

sabse anjaan chali ja rahi thi main….

Achaanak haath thaam liya kisi parchhaii ne,

Un andheron se mujhe nikalkar,

Roshni ki taraf liye ja rahi thi….

Aakhir andhera gaayab hua,

Aur zindagi mein ujaala hua,

uss parchhaii se maine puchha,

Kon ho tum?

Mujhe andhere se nikalne wale!!

Woh bola-"main hoon tumhara pyaar”

Jab bhi tum musibaton se ghirogi,

Mujhe hamesha apne pass paaogi.

Phir Uski sunder mehak se,

khili ja rahi hoon main……